هرات شهریده سلجوقی لرامپراطورلیگی نینگ مینگ ییل لیگی نی نشان لش اوچون خلق ارا انجمن اوتکزیلدی
اوشبو خلق ارا کنفرانس تورکمنستان ، افغانستان و ایران تورکمن لری نینگ مدنی سیما لری همده آلمان ، عرب امیرلیگی ، تورکیه ، قزاقستان و روسیه ده یشه یاتکان تورکمن لر وکیل لری اشتراکی بیلن هرات شهریده اوتکزلدی .
افغانستان تورکمن لر انجمنی تمانیدن یولگه قوییلگن بو کنفرانس دن اساسی مقصد تورکمن سلجوقی لر امپراطورلیگی نی مینگ ییل لیگی و بو دوره دن قالگن فخرلی میراث لرنی نشان لش بولگن.
اوشبو خلق ارا کنفرانس ریسی وافغانستان تورکمن لر انجمنی نی مدنی ایش لر ارون باسری داکتر بشیر احمد درویشی برچه افغانستان لیک مدنیت چی لر نینگ همکار لیگی بیلن باشقه امپراطورلیک لر همده مدنی تنقلی سیما لر خصوصا شاعر و یازوچی لرحیاتی و ایجادیاتی حقیده شوندی خلق ارا کنفرانس لرنی یولگه قوییش گه امیدبلدره میز دیب ایتدی .
اوشبو ایککی کون لیک کنفرانس ده قتنشچی لر تمانیدن بیر قطار تحقیقی مقاله لر سلجوقی لر امپرا طورلیگی میراث لری حقیده اوقیلدی . داکتر محمد صالح سلجوقی افغانستا ن پارلمانی ایککنچی کاتبی بو مقاله خوان لردن بیری ایدی . او سلجوقی لر قدرت لی امپراتور لیگی یالغیز حربی، سیاسی وتاریخی نقطه نظردن دقت گه سزاوار ایمس لیگی نی ایتیب بلکه دینی مدرسه لرایجاد ایتش بشری علم لرنی رواج رونق تاپتریش و خصوصا معمارلیک فنی بو دوره ده اوزیگه خاص اورن ایگله گنی نی علحیده تاکید له دی.
داکتر محمد صالح گه کوره بو عصر نینگ مدنی نشانه لری حالی هم اصفهان ، گرگان ، ری و همدان دکی مسجد لر گنبذ لری وکوفی خط ده نقش تاپکن ایرم هندسی نشانه لرهم کابوس و نظام الملک مدرسه لری گنبذ لریده کورینیب تورگن. عموما آلگن ده سلجوقی لر دوردگی هنر و صنعت یالغیز معمارلیک بیلن خلاصه بولمی دی بلکه بو دوره ده توقمن چلیک ،خطاطلیک ، تذهیب ، رسام لیک ، کاشی یسش ،و باشقه هنر لر هم اوز اوجی گه یتیب بار گنی نمایان دیر .
هرات ولایتی تورکمن لر کنگاشی نینگ ریسی مولوی عبدالغفار عزیزی هم بو کنفرانس ده اوقی گن مقاله سیده سلجوقی لر دوریده نظامیه دیب اتلگن مدرسه لر رواج رونق تاپگنی حقیده به تفصیل مقاله اوقیب اوز سوز لری بیر قسمی ده بو باره ده بوندی معلومات بیردی
”بو دوره ده قورلب بتکزلگن اینگ مهم اسلامی مدرسه لر که البته کینچه لیک دنیا نی برچه حدود لریده اورنک صفتیده اندن ایش الندی نظامیه مدرسه لری دیر .بو مدرسه لرنی سلجوقی لر سلاله سی نینگ تنقلی و تدبیر لی وزیزی خواجه نظام الملک حسن توسی نیچه شهر ده جمله دن بلخ ، نیشابور ،توس ، هرات ، اصفهان ،بصره ، مرو آمل ، طبرستان ، موصل و بغداد ده قوردی .“
تورکمنستان جمهوریتی دن قتنش گن دنیا تورکمن لر انجمنی ارون باسری آنه قربان اشیروف ، افغانستان تورکمن لری تمانیدن سلجوقی لر امپراطور لیگی مینگ ییل لیگی نشان لنشی نی برچه تورکمن لر نی بیر لشتیریش ده ارزگو لیک آدم ایکنی لیگینی ایتیب تورکمنستان جمهوریتی ، قوشنی افغانستان ده تنچ لیک آسایشته لیک اورنتلیشی ده سعی قلیب کیله یاتگنی نی تاکید لدی
اشیروف گه کوره ،تورکمنستان جمهوریتی نینگ تشقی سیاست لریده افغانستان اوزیگه خاص اورن گه ایگه . شونینگ اوچون تورکمنستان جمهورریسی حرمت لی قربان قلی بیردی محمد اف بیرلشگن ملت لر تشکیلاتی نینگ اخرگی عمومی اسامبیلیه سیده ، افغانستان مساله سی اچون علحیده توختلیب دنیا هم جمعیت ممکلت لرنی افغانستاندکی ناقرار لیک لرگه نقطه قویش اچون جدی مناسبت کورستش لری نی تاکید لدی.
ایتلیشیچه سلجوقی لر دوریده تصوف و عرفان هم کوپ درجه ده رواج رونق تاپگن و بو توغریده بیرقطار تیل لرده کوپگینه علمی اثر لر یازلگن
کنفرانس رسمی روش ده ایش باشلشدن بیرکون اول افغانستان، تورکمنستان و ایران دن قتنشگن تورکمن لر موسیقی گروه لرتمانیدن بو احتفال اوچون موسیقی کنسرتی هم یولگه قوییلدی بو کنسرت ده هرات یشاوچی لریدن یوز لب کیشی لر قتنش گن ایدی.
افغان یازوچی ژورنالیست عبدالمجید توران تمانیدن اوچ بولیم و495 صحیفه دن عبارت بولگن و شو کنفرانس مناسبتی بیلن یازلگن تورکمن لر تاریخ ومدنیتی گه بیر قرش ناملی کتاب هم کنفرانس یکونیده قتنشچی لرگه ترقتلدی
بیر یرم عصر دن کوپراق حکومت قیلگن سلجوقی لر سلاله سی امپراطور لیگی حدودی تاریخی کتاب لرده قید ایتلیشچه حاضر کی تورکیه ، مرکزی آسیا ، افغانستان ،ایران ، عراق ،شام ، فلسطین ، چین نینگ بیر قسمی و فارس کورفزی قرغاقی ده گی ایرم عرب مملکت لر دن عبارت بولگن.
افغانستان تورکمن لر انجمنی تمانیدن یولگه قوییلگن بو کنفرانس دن اساسی مقصد تورکمن سلجوقی لر امپراطورلیگی نی مینگ ییل لیگی و بو دوره دن قالگن فخرلی میراث لرنی نشان لش بولگن.
همایون حدید – بی بی سی هرات
Filed under: کولتوری و صنعت،گونئي تورکستان،بیلدیریش،تورکستان،تاریخ |
گؤنئي تؤرکستان 
یوروم یازینگ