افغانستانده گی تورکلر نینگ مدنی – تاریخی وضعیتی

محمدکاظم امینی- میمنه                         

    تاریخ گواهلیک بیریشیچه احمد خان ابدالی تمانیدن میلادی(1747 ) ییل افغانستان دیب اته لگن قدیمگی خراسان اینگ قدیم زمانلردن باشلب تورک و فارس خلقلری نی آنه وطنی سنه لیب ، ایریم تاریخی دور لرده اوشبو اوتراق اهالیگه منسوب تورلی قوم و اورورغلر ، انه شو ییرلرده حاکمیت قیلیب کیلگن لر.

    هندوستانده تورکی سلاله لردن سنه لگچ ِ« بابری لر  » همده بخارا ده گی امیر سیدعالم ، بلخده گی«هشتر خانی لر» ومیمنه مستقل امیر لیگی نینگ سونگی خانی، امیر دلاور خان(1884ـ1889)  حاکمیتی تونتریلیشی بیلن تورکی سلاله لرنینگ حاکمیتی، شمالی و جنوبی تورکستانده اوز پایانیگه ییتدی.

ترکی تیللر نینگ نشرات تاریخچه سی

ديمك، رسمي صورتده مطبوعات تاريخي افغانستانده امير شيرعليخان(ميلادي 1863- 1878) حكمدارليگي پيتيده«شمس النهار» ناملي جريده نينگ نشر ايتيليشي بيلن باشلنسه هم، اوشبو رسمي مطبوعات اون تورتينچي عصر نينگ بيرينچي اونليگي گه قدر يلغوز گينه اولكه پايتختي سنه لگچ كابلده خاص بوليب قالدي