تورکلر

بیر زمانلر  قیلدی طغیان  کأینات،

تاکه بؤلسه کأیناتده  بیر جانذات.

یاندی آقتی  برچه عالم   گووه لب ،

کوتریلدی  توپراق  یردن هو وه لب.

تورکلر

بیر زمانلر  قیلدی طغیان  کأینات،
تاکه بؤلسه کأیناتده  بیر جانذات.

یاندی آقتی  برچه عالم   گووه لب ،
کوتریلدی  توپراق  یردن هو وه لب.

عالم  ایچره   بؤلدی  توفان  تینمین،
بوتوفاننی  توخته شی  بؤلدی قیئین.

بؤلدی  تؤزان  تؤلدی  توتوندن  جهان،
اوردی  تؤلقین،باستی ،کیتی  آلتی یان.

برچه نرسه بیر – بیریگه  قؤشیلدی،
کأینات  نینگ   معماسی هم ایچیلدی.

سو و توپراق ، هوا – آلو  بیر بؤلیب،
کیلیشتیلر   ریجه    لرینی    توزیب.

هر تمانگه  تؤخته دی  هر بیر توزان ،
مینگ و بیرته  یره لدی کؤک – آسمان.

هربیر  کؤککه  بیریلدی  آی و قویاش،
بؤلدی تنگریم برچه سیگه اؤزی باش.

بیر  توزاندن   یره تتی    آنه  یرنی،
یالغیز  اؤزی توشینه دی بو سیرنی.

قیلدی  تارتیق  آنه  یرگه  اول  حیات  ،
بیردی بویروق یشسین دیب  برچه ذات.

برچه  ذاتلر    آراسیده  بار   انسان،
بو انسانگه عطا قیلدی شیرین جان.

آنگی  اؤتکیر، کؤنگلی یومشاق مهربان،
بؤلک – بؤلک  ترقه لب  کیتی  هر یان.

یر یوزیدن اینگ گؤزه ل  جای بیریلدی،
بر چه تورکلر گؤزه ل  جایگه تیریلدی.

بو ایل بیلن  تنگری  اؤزی  سؤزلردی،
یقین  توتیب  کیله جگین   کؤزلردی .

بو ایل  باتور  بوایل  عاقل  هر زمان،
توزدی  بوایل  یر یوزیگه  تورکستان.

تورکستانگه قوردی  عدالت  قصرین،
تورک اولوغی بیلر دی فقط سیرین.

تورک دنیاسی بیلیمداندن  بای ایدی،
جوده گؤزه ل  جنت کبی  جای ایدی.

تورک  ایلیدیک  مهربان  خلق  بؤلمه گن،
یخشیلیکگه هیچ بیر ایل تینگ کیلمه گن.

بوعالم نی  برچه سیرین  بیلر دی ،
نروان قؤیب  سمان یولدن یورردی.

عالم إیچره  ایدی علمده سلطان،
آوازه سی تیللر گه ایدی داستان.

علم وادب ،صنعت و فن  بیشیگی،
فرهنگگه بای دایم  آچیق ایشیگی.

یر  یوزیدن   کیلیب  آلر   دی  علم،
برچه ایلگه تورک ایللی بیردی بیلیم.

هربیر ایلنی اؤزیگه خاص یؤل بؤلگن،
بیری آلاو ، بیری هیکل  دیب یورگن.

تورک ایلنی کؤنگلی راسه کینگ بؤلگن،
ایرکین یشب  برچه ایلی  تینگ بؤلگن.

یر یوزینی  بیلیم   بیلن  آلگنلر ،
باشی کؤککه تیگر قصر سالگنلر.

مینگ ایل ایچره  مینگلب باتیرلر اؤتتی،
یر  یوزیگه  برچه   سین   آتی  کیتی.

آفرسیاب دیک بیر اولوغ تورک اؤغلی،
آلپامیش  و  منس  همده  گور اؤغلی .

آتیلا  و   آلپ  و سینا  و ریحان،
محمود کاشغری و  تورک عثمان.

فارابی  و  مولوی و  میر  تیمور،
بیدل  و نوایی    و   میرزا   بابر.

آتاتورک دیک تورک فرزندی بار ایدی،
برچه  تورکلر  بیر – بیریگه یار ایدی.

هم  عالمی  هم  حاکمی  مهربان،
طبیب بیلن شاعر لری   همچنان.

جسم و جاندن  یورتی بیلن ایلینی،
محبت     و    مهر     تؤله   دلنی.

جایی کیلسه بیرر  ایدی جانینی،
جاندن سیور ایدی تورکلر ایلینی.

کیلینگ تورکلر ،کیلینگ تورکلر  جان تورکلر،
جانیمیز بیر  ،   قانیمیز بیر      جان تورکلر.

کیلدی  زمان  ،  کیلدی  زمان   جان تورکلر،
بؤلسه ی بیرجان  بؤلسه ی بیر تن  جان تورکلر.

حرمت قیلسه ی  اؤتمیشلرگه   جان تورکلر،
بیرقؤل بؤلسه ی  کیله جککه    جان تورکلر.

کیلدی دوران ، کیلدی امکان   جان تورکلر،
تورکستاننی   قیته قورسی   جان تورکلر   .

یریوزیگه  یشه سون   برچه   تورکلر،
بیرجان بؤلیب بیرتن بؤلسین بؤتورکلر.

داکتر عزیز فاریابی