ایرکینلیک

آنه یورتیم  ایرکینلیگی قفس ایچیدن قره دی ،

سیندیرگین قفسنی،دیه یالبریب بیزدن سوره دی.

یان قفسنینگ ایچیده گی بیرعندلیب سیره دی،

بونامرد لر غیرت سیزدیب  قناتنی  قیره  دی.

ایرکینلیک

آنه یورتیم   ایرکینلیگی   قفس ایچیدن قره  دی ،
سیندیرگین قفسنی،دیه یالبریب بیزدن سوره  دی.

یان قفسنینگ  ایچیده گی بیرعندلیب  سیره  دی،
بونامرد لر  غیرت سیزدیب   قناتنی  قیره  دی.

اؤشه کؤندن بؤیان مینینگ یوره ک لریم  یره دی ،
تینچیم بؤلمی  جسم و جانیم  اؤپکه بغریم یانه دی.

إینتیلسم قؤل یتمه یدیو،اؤزیم –اؤزیمگه حیران،
بوفکلرلر   میه مینی    زیرقیره تیب توره  دی.

آنه یورتیم  اؤتمیشینینگ دایم قؤمسب  اؤیلسم.
کؤزآلدیمده  شکوهینگ  گوده لنیب توره دی.

بالگه باتگن تویغولری اؤتکیر الماس  قیلیچدیک
تویغوسیدن تؤله  ارمان عسل سؤزلر   تامه دی.

قؤانچلری  مامیقگینه آق و قاره    بولوتدیک ،
کؤکسین آچیب گولدوراسلب چقماق کبی کوله دی.

آپپاق قاردیک  ساغینچلری  ایریب تاغلر  باشیدن ،
هربیر قلبنینگ  دریاسیده  تولقین اوروب  آقه دی.

یؤق چیگره  سوینچیگه  کتته دینگیز  صحنیدیک ،
بؤسوینچدن  آنگلی غواص  توله کیمه  سوزه دی.

آمد وبخت کؤک آسماندیک صاف -مصفا هردایم ،
باش اوستیده  آمدو بخت   قویاش کبی  یانه دی.

مهردن تؤله برچه توپراغ یرنینگ کؤکسی کؤپ یؤمشاق،
یر یوزیگه    مهر دایم     یامغر کبی    یاغه   دی.

آنه یورتیم  اؤتمیشلری   تینچ بیرمیدی    اؤیمگه،
.اؤیم ایچره  مؤنگ و قیغو اوچقونلری  اوچه دی.

قنی اؤشه  اؤتگن اؤتمیش؟  قنی اؤشه  بابالر ،
کیچه-کوندوز  بابالریم  ارواحلری  یوره  دی.

برچه کیلینگ  زورامکان  قولیمیزدن  کیتمسین ،
بیرتن  بؤلسک ینه بیزگه  آق دعاسین   بیره دی.

آنه یورتنینگ ایرکینلیگین  بیرگه لشیب  بیز آلسک،
ینه مینگ ییل آنه یورتیم ایرکین ییره ب  توره دی.

داکتر عزیز فاریابی