فارياب مسؤوللري مدني اويوشمه لراحتفاللريده نيگه قتنشمه يديلر؟

بیرملت نینگ اساسآروحینی فرهنگ ومدنیت تشکیل بیره دی، هربیرملت اوزیگه خاص اودوملري بارلیگی سببلی، باشقه دنیا ایلت لریدن اجره لیب توره دی وموجود قدریت لری بیلن بای بوليب وفخرلی تاريخ ومدنيت گه ایگه ایکن لیگی انیقلنه دی. شوجهتدن هربیرملت اوزمدنیتی وتاریخی نی اسره ب واونینگ رواجلنتیریشي اوچون مسوْول بولیب وشويولده جدی سعی وحرکت قیلیشی کیره ک بوله دی. بو غایه عملگه آشیریلیب باریشیگه ، بیرینچی دن خلق تاماندن شکللنگن توزوم یعنی اوشه دولت مسؤول بوله دی ، افغانستان کبی اوزون ییل لراوروش لراوپقانيگه (گردابيگه ) توشیب ، قالاقلیکده قالگن بیرمملکتده، بومسؤولیت ایسه کوپراق دولت نینگ عهده سیگه یوکلنه دی،چونکه ناتینچلیکلرجریانیده بومملکت نينگ تاریخی ومدنی میراث لری قتیق ضربه وخساره کوردي ،شونینگ اوچون بواولکه رواجلنگن باشقه مملکت لردیک ییریک امکانیت لی وخلق قوللب قوتله یاتگن کوپلب مدنی تشکیلاتلرگه ایگه بولمی کیلگنی وخلق نینگ کوپچیلیگی نی سواد سیزلرتشکیل بیریشی هم باشقه مملکت لردیک ترقیات جهت دن رواجله نیب یوقاری اورینده تورگن بیرجمعیت ایمس لیگیدن دلالت بیره دی . منه شو مسأله لرگه عمومی شکلده اعتباربیرگن حالده، حاضرگی کونده برچه ساحه ایشلرینی آلغه آلیب باریش مسؤولیتی ایسه یالغیزدولت گه قره تیله دی. طالب لرحکومتی ییمیریلیشی بیلن حامدکرزی حکومتی یوزه گه کیلیب و اونلب مملکت لر،دنیانینگ قیسی بورچگیدن بولیشلریگه قره مسدن افغانستان گه کیلیب و اولوس گه تیگیشلی بیرحکومت قوریلیشی اوچون معنوی یاردم لری یانیده، ملیونلب دالرهم یاردم بیریب کیله یاتگن لریگه هربیروطنداش ،اوزلری یقیندن گواه بولیب کیلماقده لر.

اون ییل جریانیده بولگن ایشلر، اساسی طلب لرنی قاندیره آلمي، خلق نينگ يشم شرايطيني يخشلشگن بولمسه هم ، بيراق عملگه آشيريلگن ايشلردن کوزهم یومیب بولمه یدی. لیکن بیرقطار اهالی مخصوصآ مدنیت وفرهنگ ساحه سیده گی قتلم تاماندن، قریب اون ییل دوامیده دولت تاماندن مدنیت وفرهنگ ساحه سیده کوزگه کورینرلی اعتبارقره تیلمه گنی ایسه اولرنینگ تنقید لری بیلن بیرگه بولیب کیلماقده. مثال صورتده، فاریاب ولایتی ده دولت چوکاتیده بولگن مدنیت ساحه سیده گی مدنیت وخبرلر ریاستی ایسه فقط آتی بیلن چیکله نیب قالگن ، حتی بیرییل آقیمیده خرجتی بولمه گن بیرمدنی وعلمی سیمینارنی اوتکزمه گن دیسک توغری کیله دی . اگر بیرارکته راق احتفال اوتکه زیلیشی مذکورریاست مسوْوللری بیلن اورته گه قوییلسه، مادی امکانیت گه ایگه ایمس لیك

لریدن سوزیوریته دیلر، اوتگن بيرنيچه ييلده دولت تاماندن مدنيت ساحه سيده گي ايشلرني دييرلي عملگه آشيريلمسليگيده مذکورریاست باشلیغی ضعیف ليگي ویاهم عموما آلگنده مدنیت ساحه سیده دولت نینگ اعتباری نهایت آزلیگیدن بشارت بیره دی. شونگه قره مسدن سونگی ییللرده اوشبوولایت ده دولت چوکاتیدن تشقری قوریلیب و فعالیت گه باشله گن مستقل بیرقنچه مدنی واجتماعی تشکیلاتلرییترلیچه امکانیت گه ایگه بولمسه لرهم، مدنیت ساحه سی رواجله نيشي اوچون عملگه آشیریب کیله یاتگن ایشلری، آلقیش گه سزاواردیسه بوله دی. اوشبو تشکیلات لرتاماندن تورلی احتفال لراوتکه زیلیب، علمی ، تاریخی وفرهنگی شخصیت لربیرمه- بیر ایسله نیب و اعزازله نیب کیلماقده لر. عین حالده ژورنالیزم سیمینارلری اوتکه زیلیشی ،کانکورسیناوی تیارگرلیگی آلینیشی ، تعلیمی کورس لرآچیلیشی ،خصوصی مکتب لرقوريليشي وشاعرلرنینگ چاپ ایتیلمی سقله نیب کیلگن ایجادیات لری نینگ توپلم شکلده چاپ ایتیلیشی، کوزه تیلیب کیلماقده ، بوحرکت لرنینگ برچه سی شخصی وخصوصی تشبث لردن عبارت دیر. دولت اوشبو ایشلرنی قیلمه گن لیگی اویاققه تورسین، مذکوراحتفاللرده ولایت رسمی لری چقيريلگنده ،اشتراك ايتمه گن لري،اولرنينگ ايشي كوپليگي دن دلالت قيلمه يدي.حتي ،اگربیرییرده ییگولیک آذوقه بوجمله دن اگر10 بوجی بوغدای و یا کیمیاوی اوغوت دولت تاماندن اهالیگه

یاردم بیریلسه ولایت نینگ حتی حاکمی ایسه اوزی کیچیکتیرمسدن او ييرده حضورتاپه دي،بوایسه فرهنگی کیشی لرتاماندن دولت مسووللری ني خلق نینگ قدریت لریگه قیزیق مسلیک لری و یاحرمت بیرمسلیکلریدن دلالت بیریشی ممکن دیب معلوم که اولوس ایستگی بیلن تشکیل تاپگن هربيرحکومت، مدنی تشکیلات لرحرکت لرینی دستکلب و ترغیب قیلیشی بیلن بیرجمعیت اوزکوزله گن مقصد وترقیاتیگه ایریشه دی ومدنی تشکیلات لرهم اولوس نينگ ایرکین وتاتوولیکده حیات کیچیريشي گه زمینه یره ته دیگن توزوم یوزه گه کیلیشی اوچون کته رول اوینب وبوساحه ده هاریمسدن، اولگوریب ايش وفعاليت قيله ديلر .

افغانستان دولتی اگر کیله جکده مدنیت ساحه سی رواجله نیشینی اساسی ضرورت بیلیب و اوشبوساحه رواجله نیشینی ایسته سه ، بوساحه ده انیق ریجه اساسیده ،کته سرمایه یاتقیزیب، همده ملکه لی وتویغولی کیشی لرنی بوخصوصده وظیفه دارایتیشی درکار.شوکبی مدنی تشکیلات لرنی ایجاد ایتیلیشی اوچون کوپراق قولیلیک لریره تیب واوشبوتشكيلاتلردن حمایت ایتیشی بیلن، بوساحه رواجلنیشی ممکن. امادولت نینگ کیله جکده هم شوطرزده حرکت لری حاضرگی دیک ساووق وسست بولسه ،اولوسيميزنينگ دنیا ده بار، بای مدنی وتاریخی میراثي ايسه استه – سیکین یوقالیب، اینیقسه اوروش لر سببلی اوزتاریخ ومدنیتی دن اوزاققه قالگن ینگی نسل،اوزمدنیت

واوتمیشی بیلن تانیتتیریلمي وعين پيت ده ياشلرملي روحيه گه تربيه لنمسه لر ، حاضرگی زمانده اوزگه فرهنگ لرتاماندن دایم تهدید ایتیلیب کیله یاتگن فرهنگی هجوم دن تاثیرله نیب و باره- باره اوزکیم لیک لرینی اونوتیشلری امکاندن اوزاق ایمس.

« آماج »