آوغانیستاندا تورکلریؤلوغا قؤیولغان توزاقلارغا یؤلوققانلار تاخاردا سوچسوزتورکلرنی اؤلدورگه نلر، یارغیلانمالیدیر(محاکمه بؤلمالیدیر)!

یئریوزونونگ بویوک کئسیمیگه ایگه بؤلوبان یاشاب کئلگه ن تورکلرآنایورتونونگ تورلوگ تومه ن یئریوزوبیرله یئرآستی بایلیقلاردان تؤلوب تاشقانلیغینی کیمسه ده ن یاشیریلیب قالماغانلیغینی بیله میز. بول بیتمه س توکه نمه س باریملار(ثروت) بیرله بایلیقلار، اولارنینگ بؤلونوب کوچسوزله شگه ن چاغلاریندا، مال بیرله باریمدان کؤزوتؤیماغان آچکؤزوآلغیرسؤمورگه چی کوچلرنی اؤزوگه چئکمیشتیر. آنجاق، تورکلرنینگ آنایورتوایسه اؤزونونگ شول بایلیقلاری یوزونده ن بول چئکیچیلیگی بیرله چیرایلیغینی بوگونگه چه ده ییتیرمه گه ن. یئریوزونده کی بارچا اوسلار (کئرگه س) بیرله کئلسارلارنینگ آنا یورتوموزداقؤنوب تؤپلانیشی بونونگ ائنگ تیریگ وآیدین تانیغی ائمه س می؟

یوزلرییل سوروبان کئلگه ن پاپ باسقینچی یؤنه تیمی آرقالیغ قاموغون (عامه، خلق) بئلی بوکولوب، اؤزتیریگلیگیده ن تؤیغان آوروپادا، ائسکی یونان یاشام توروبیرله ائسکی روم آلغیروسؤمورگه چی اولکوسونونگ (آیدیا، مفکوره) قایتادان تؤغولوب یاشاتیلماسی سؤنغوچوندا، کیشیلراوبیر آجوندان (اودنیادان) یوره ک اوزوب، بول آجونغا(بودنیاغا) قاتتیغ باغلانادیلار. “رئنسانس” دئدیکلری بول ائسکی یونان یاشام بیچیمی بیرله ائسکی روم چاغینینگ چینلاشالماغان باسقینچی وسؤمورگه چی اولکوسونونگ ” قایتادان تؤغولوشو” آوروپالیغلارنی اوزون سوروب کئلگه ن اویقودان اویغاتیب، باشقالارنی سؤموروب کئمیرمه یؤلوغا سوره دی. بول “قایتادان تؤغولوش” سؤنغوچونداچینلاشتیریلغان “اویغانیش” یادا “آیدینلاشما”چاغینینگ آناآماجی بیرله توب اولکوسو آوروپالیغلارنی اؤزگه اولوسلاردان اوستونلوگویوزونده ن توم یئریوزونو یؤنه تمه (اداره قیلماق، حاکمیت) بیرله اؤزگه اولوسلارنی سؤموروب قوللاشتیرما پاییغا ایگه بؤلما تویغوسونونگ یاراتیلیشی بؤلموشتور. باشقالارغا اوستونلوگ اولکوسو بیرله اؤزگه لرنی سؤمورمه آماجی ایله یاراغلانغان آوروپا، سؤموردوگوتؤپراقلارینینگ بایلیغی بیرله قوللاشتیرغان اولوسلارینینگ کوچوآرقالیغ، قیسقاچاغداهرباقیمدان باشقا اولوسلارغا اوستونلوگ قازانیب، یئریوزونونگ بویوک کئسیملرینی کئندی سؤمورگه چی یؤنه تیمی آستیغا آلمیش بؤلادی.

“ایکینچی بویوک روم” بایلیغینی قوروش اولکوسوگه تایانیبان، کیشیسئوه رلیگ(هومانیزم) بیرله یالینغوقچولوق(انسانیت)تویغولارینی کئندی کؤنگوللرینده ن سؤقوب آتیش آرقالیغ تومه ن مینگلر(میلیونلر) کیشینینگ قانینی توکوب، یوزلرچه بالیقلار(شهرلر) بیرله کئنتلرنی بؤزوبان، کیشیلرباشیغا قاربیرله یاغمیردئک تومه ن تومه ن آغیلیغ بامبالاریاغدیریش بیرله کیشی اؤلدورمه بیرله قان آقتیرماقتان تؤیماغان، آینیقسا ائسکی ساویتلر بیرلیگی نینگ چؤکتورولمه سینده ن کئیین کئندیگه ائشسیزکوچ کؤزوایله باقیبان تؤرت یانغا قوتورغان ایتلاردئک قاپاغانلاشیب اورمه کته باشلاغان، امیریکه نینگ آلغیروآچکؤزسؤمورگه چی یؤنه تیچیلری بیرله اولارنینگ کئسیلمه س قویروغو تانیلمیش اینگیلیس یؤنه تیمی یانیندا اولارنینگ ایمله مه سی بیرله بویروغونوبئکله ب تورغان آوروپالیغ باشقا قوللارینینگ قؤللاماسی بیرله قاتیلیشی آرقالیغ، آنایورتوموزدئک آوروپا تیشقاریسینداکی یئراوستوبیرله یئرآستی بایلیقلاربیرله باریم ایگه سی بؤلغان بیرتاقیم اولکه لر، اوروش اؤتوغایانیبان اولوسلاری دا قوللاشتیریلماقتادیر. سؤیله نگه ن بول آلغیرسؤمورگه چیلرایله یانیانغا، امیریکه ده کی سایهونچولرباشلیغیندابوتون یئریوزونده کی سایهونچولر، یوزلرییلدان بئری آیریم اولکه لرده چئکتیکلری قایغیلارینینگ اوجونوآلیش اوچون یئریوزونوسؤمورمه چاباسیندالار. اولکه میزده کی قانلیغ اؤلایلارغا (حادثه لرگه) بولارنینگ اؤرنونو دا کیچیک سانامادان، کؤزگه ایلمه ک کئره ک.

امیریکه آلغیریؤنه تیمی بیرله اونونگ سوچ اؤرتاقلاری تانیلغان یؤرگه شلرینینگ آناآماجی یالنغیزاولکه میزنی یئنگیب اولوسوموزنوسؤمورمه ک تئگیلدیر، بونونگ یانیندا اولاراولکه میزبیرله اؤزاولوسوموزآرقالیغ تورک جمهوریتلری تانیلغان آناتورک ایلی بیرله اورداکی تورک سؤیداشلاریمیزو یاقین قارینداشلاریمیزنی ده یئنگیب سؤمورمه کتیر. امیریکه بیرله آرقاسیندان یوگورگه ن یانداش ایتلارینینگ ییللاردان آلدین کیشیلیگ اویاتی تانیلغان پاکیستاندا آشیری “اسلامچیلیق” بیرله “مسلمان قارداشلار” توخومونو سئپیبان اؤستوروب، سؤنغراسی ائنگ چاغداش تانکلرگه میندیریب، ائلیگلریگه ده راکت آتارلاربیرله اؤتلوغ راکتلر بئریب یورتوموزغا ییباردیغینی یاخشی بیلیب اونوتمادیق. شونونگ دئک، بوگون اولکه میزده ده اوشال آشیری توشونچه لربیرله بؤزوچواولکولرنی کوچله ندیردیکته ن سؤنغرابیزنینگ ائلیگیمیزگه یاراغلاربئریب، قؤشنو تورک ایللریگه ییبارماق ایسته یدیلر. شوکیبی باتیلیغ اولکه لرنینگ یالغان تؤقوچواؤجاقلارینداسؤمورگه آماچلیغ ییلاردان اؤنگ یاراتیلغان”آریا” اوقونونگ(نژادینینگ) اؤزگه اوقلاردان اوستون سانالدیغی اوقچو(نژادپرست)اؤیوق(خیالی) توشونچه سی، اولکه میزده کی آوغانلاربیرله باشقا تورک کؤکه نلیگ بؤلماغان اولوسلارآراسیندایایراتیلیب تارقاتیلدیغینی دا یاخشی بیله میز. باشقا بیرسؤزبیرله آیتغاندا، ییللاردان بئری آنا یورتوموزنوباسمانلاب آلغان سؤمورگه چی باتیلیغ اولکه لر، ییللارآلدین اولکه میزده ائکتیکلری آغیلیغ توخوملارینینگ اؤنومونو(حاصلینی) بوگون اوروب تئرمه کته لر.

تاخارنینگ کولابی قیشلاغیندا ۱۳۹۰ نچی ییل ثورآیی نینگ ۲۷/۲۸ کئچه سی اؤزاویلریده، اوزاقلاردان اولاقیب کئلگه ن چئت ایللیگ یاراغلیغ یاتلارنینگ (بیگانه لرنینگ) اؤق یاغمیریغا توتولوب، تیکیشچی بؤلغان یاراغسیزاوی ائرکه گی بیرله اونونگ یاشام یؤلداشی بؤلغان خاتینی یانیندا، کؤنگلوده یوزلرچه اوموت تاشیبان کئلینلیگنی بئکله گه ن، ایگیت قیزلارینینگ دا یاشام چیراغی اؤچوروله دی. “آیساف”نینگ باسمانچی اؤردوسوتامانیدان قؤرقاقچا اؤلدوروگه ن بول یاراغسیزوسوچسوزکیشیلر، کولابی قیشلاغیندا یاشاغان مینگلرچه باشقا تورک کیبی، ییللارآلدین امیریکه نینگ بویروغو بیرله پاکیستان قارا یؤنه تیمی آرقالیغ قورولغان کیشیلیگ نینگ قیریاغیسی تانیلغان “طالبلر”بیرله یئنه ده امیریکه نینگ اؤلوتچو(قاتل)ائکیتچی (تربیه چی) اؤچاقلاریندایئتیشتیریلگه ن اسلام قیریاغیسی سانالغان “القاعده”نینگ تورلوگ تومه ن باسقیسی بیرله چوروچاپاوولو آستیغا قالسالاردا، اولارغاقارشی اؤزیورتلاری بیرله تؤپراقلاریدان کوچلری باریچا ساوونوب (دفاع قیلیب)، اولارغا بؤیون ائگمه گه نلر. یاراش بیرله باریش، ائرکینلیگ بیرله دیموکراسی دئدیکلری یالغانچی سؤزلربیرله اولکه میزگه کیرگه ن بول باسمانچی کوچلر، کونده ن کونگه اؤز سؤمورگه چی بیرله باسقینچی قارایوزلرینی آچیقچا کؤرسه تمه کته لر. قیلینغان بول باسقینغاقارشی، یاراغسیزچا باریشچی یؤلدان اؤزکؤنمه سلیگلرینی بیلدیریش اوچون یؤللارغاچیقیب، سئس چیقارغان کیشیلر ایسه یئنه بیرقانچاسی آتیلغان اؤتلوغ اؤقلارنینگ قؤغوبیرله سوستوروله دی. ائتیلگه ن بو ایشلارامیرکه بیرله اونونگ “آیساف” آتلیغ باسمانچیلارینینگ قارایوزونویئنه بیرقاتلاآچیقچاکؤرسه تمیشتیر.

اینگیلیس سؤمورگه چیلرینینگ ییللاراؤنگ چیزدیقلاری سؤمورگه آماچلیغ تاسلاقلاریغا(طرح، پلان)اویغون ایراقلاردان کئلتیریلیب تورک تؤپراقلاریدا یئرله شتیریلگه ن آوغانلاریانیندا، یوزلرییلدان بئری بیزلربیرله یانیاندایاشاب، قیزبئریب قیزآلغان، بیرآریقتان سووایچیب بیرقازاندان آش یئگه ن، بیربیریمیزنینگ تؤیوبیرله یاسیغاقاتیلیب، اؤلوگلریمیز ده بیرسینلیقتا (قبرستاندا)کؤمولگه ن، . . .  تاجیکلرنینگ تورکلرگه قارشی یاغیلیغی ائنگ آچیغ وقایغی بئریچیدیر. بوگون اولاردا اوزاقلاردان کئلگه ن باسمانچی و یاپای (ساخته) “آریا” قانداشلارینینگ کؤلکه سینده بیزلرگه قارشی کوره شمه کته لر. آنجاق اولار، بول باسمانچیلارنی کوننونگ بیرینده بوتؤپراقلاردان کئته جه کلرینی بیلمه لیدیرلر، اوکونده یئنه اولارتورکلر بیرله باش باشغا قالاجاقلار. دؤستلوق کیبی یاغیلیقنی دا ائسیگه آلیب هیچ قاچان اونوتماغان تورکلر، نی احمدشاه مسعود نینگ، نی ده برهان الدین ربانی نینگ، نی ده “آیساف” بیرله اولارنینگ قاپاغان ایتی تانیلغان کرزی یؤنه تیمی نینگ نؤکه ری بؤلغان بوگونکوتاجیک یؤنه تیچیلرینینگ قیلغان یامانلیقلاری بیرله اوستله نگه ن قانلیغ اؤیونلارینی اونوتمایاجاقلار.

یؤلوقتوغوموزبوتون بوبئلالرده ن قورتولوش بیرله کؤردوگوموزبارچا بول قارا کونلرده ن چیقیشیمیزنینگ تئک یؤلوبارچاکؤکه نداشلاریمز بیرله بیرله شیش یانیندا اولکه میزده کی دؤستوموزبیرله یاغیمیزنی یاخشی وآنیق تانیب، تیشقاریدان کئلگه ن باسمانچی یاغیلاریمیزبیرله ایچکه ریده کی قیریاغیلاریمیز آرقالیغ یؤلوموزغاقؤیولغان توزاقلاربیرله قازیلمیش پوسوغلار(کمین) غا توشمه ده ن اؤزوموزبیرله آنایورتوموزدان ساوونمالیمیز.

آنایورتوبیرله اؤزاولوسونوسئودیگی اوچون اؤلدورولگه ن بارچاکیشیلریمیزنی اونوتمای، یاراتیچی تئنگریده ن اولارغا رحمت تیله یمیز.

آلغیر باسمانچی آرقالیغ کولابی ده قؤرقاقچا اؤلدورولگه ن شهیتلریمیزنینگ روحی شاد بؤلسون

ایلیمزبیرله اولوسوموزغا، اؤزوموزبیرله تیلیمیزغا ایگه چیقایلیق

دؤکتور ع، م، تاشقین

۱۲/۶/۲۰۱۱