بیردرخت

کتته بیر درخت ایدیم 
آنه یرنینگ قؤینیده،
تورت فصل گل آچردیم،
شاده- شاده بؤینیده.
هر تانگده قؤیاش اؤزی
سلام بیریب چیقردی،

بیردرخت
کتته بیر درخت ایدیم
آنه یرنینگ قؤینیده،
تورت فصل گل آچردیم،
شاده- شاده بؤینیده.

هر تانگده قؤیاش اؤزی
سلام بیریب چیقردی،
هر تؤنده  آی و یولدوز
احوالم نی سورردی.
باشیم دن کؤک هر دایم
ایز گو  مرجان  ساچردی.

کیتگن ایدی ایلدیزلریم،
بویوک إیپک یؤلیدن،
یرنینگ یریم یوزی نی
یاله لریم آلردی.

گیرده یب تیککه بؤینیم
اوستمگه یه شیل تؤنیم،
برچه گه قؤچاق آچیب،
کؤکسیمنی آسمان قیلیب،
یر و آسمان کؤزه تیب،
صحرا إیچره تورردیم.
کتته بیر درخت ایدیم!
آنه یرنینگ قؤینیده
تورت فصل گل آچردیم،
شاده- شاده بؤینیده.

***
جیرکنج بؤران  تینمسدن،
یاقه مگه یاپیشــَردی.
قیزغانچ ،یامان کؤره ردی
یامغر و دؤل یاغردی.
طوفان بؤلیب طغیانی
یاله لریم سیندیردی.
قتیق شماللر قیلیب،
چیچکلریم اوچردی.
یپراغلریم توشیردی!
انه شو جیرکنج بؤران
بهاریم نی اؤغرلب،
تورت فصلیم خزان قیلدی.
حاضر کؤرینگ احوالم،
کتته چولنینگ إیچیده
قوریب قالگن درخت من!
إیشان مین قاره بخت من!
تیگره گمده  هیچ ذات یؤق،
دوست لردن هم درک یؤق.
یوره کیمدن اؤتگن اؤق،
اؤزیم دردیمنی یؤتر من.

ایگه سیز بیر درخت من،
چؤل تفتیده کرخت من.
إیلدیزیم گه قورت توشگن
رنگیم سرغیب اؤچگن.
نالم چیقمی ایزیلگن،
سؤزو آنگیم بؤزیلگن
قیغؤ قفسیده من
اؤلیم یاقه سیده من!
قوریب قالگن درخت من!
چول تفتیده کرخت من!

***
تویغوم ایدی بیر آسمان،
بؤلدی کتته قبرستان.
یقینیمگه کیلمیدی،
ایشیتمیدی هیچ کیشی.
قه وت-قه وت توگلگن
قلبم ده گی اسراریم.
کیمگه آچی مین رازم،
توپراق،پاخلگه ایته ی
غم وقیغؤلریمنی؟
کؤنگلم ده گی سیرلرنی،
پؤچاق لریم گه یازه ی.
کتته چؤل توپراغیگه
راز دلم نی ایته ی.

حاضر کؤرینگ احوالم
کتته چول نینگ إیچیده،
قوریب قالگن درخت من!
چول تفتیده کرخت من!
قنی تانگده گی قویاش؟
قنی یولدوز- قنی آی؟
قنی مرجان ساچگن کؤک؟
قیده قالدی ایلدیزیم؟
باشگه توشگن کؤریمنی،
تارته دی ایککی کؤزیم،
کیله جکیم بیلن مین
تارتیشه من بیر اؤزیم.
حاضر کؤرینگ احوالم
کتته چولنینگ إیچیده
قؤریب قالگن درخت من!
چول تپتیده کرخت من!

عزیز فاریابی