ای انسان!

آسمان پسیگن
کیچیک و تار
بؤلگن
کونگلی غش
باشی گره نگ
کونگلیگه باتمیدی
هیچ نرسه یاقمیدی

 

ای انسان!

آسمان پسیگن
کیچیک و تار
بؤلگن
کونگلی غش
باشی گره نگ
کونگلیگه باتمیدی
هیچ نرسه یاقمیدی

قؤیاش  نی رنگی اؤچگن
اریق وتالگن
کؤزلری مودراغ
کیپریکلری آسیلگن
آلدینگیدیک پارله میدی
ایچیده الملری قنییدی

آی نی یوزیگه اجین توشگن
قلبی ویران
مؤنگ باسگن
ساچلری  پریشان
قباغی آسیلگن
هیچ قره میدی
اؤنگه و سؤلگه  باقمیدی

یؤلدوزلر
غوجوم -غوجوم
کؤزلر توله یاش
کیلینچکدیک
قؤرقگندن تتره ی دی
قاتیب جاییده بیزرده ی دی

آنه یر راسه چرچه گن
ایچی توله آغریق
قیغؤ باسگن
ایاغلر حال سیز
یوره آلمی آقسیدی
جا ن و تنی ققشیدی

بولوت لر ناتینچ
یامغر سیز
آرتیگه قره مسدن
غزه لیدی
ادشگن
یول سوره ی دی

شمال هوولب
ایزغیرین دیک
قولاچین یایگن
بیزلیدی
منزل تیز باره ی دیدی

تاغلرنی بغری چیریگن
اوپکه لری یره
نفس آله آلمیدی
اؤزینی اؤنگره ی آلمیدی

اورمان لرسرغیگن
سووسیز
تیل قوریگن
قؤشیغین ایتالمیدی
تارینی  قولگه آله آلمیدی

دریالر مؤزله گن
بغری تاشدیک
یوره ک سیقیلگن
هیچ هم  آقمیدی
غواصلر کیلیب سوزمیدی

دینگیز لر ساکت و جیم
تؤلقین سیز
کؤزلری کؤککه
تؤن -کؤن
اویلیدی
اویلب تویمیدی

یوللر  اوخله گن
تالگندن تیپسنگ هم
اؤیغانمیدی
اورسنگ تیبرنمیدی

چوللر نی بیلی
سینگن
آتسنگ هم
جاییدن توره آلمیدی
اؤزینی کوتره آلمیدی

جان ذات لر  خواطرده
باشلرین اوشلیدی
نی بلا دیب ایزیلب
إیغلیدی

غیبدن  بیر سیس
کیله دی
نیمه قیلدینگ
ای انسان !
برچه سی قوشیلیب
بیر سیس بیلن
سؤزلیدی
ای انسان

بو تورگن غرت بنده لیک
قیب قیزیل  شرمنده لیک
ای انسان
سینگه بارمی وجدان؟
بیز حالدن تایدیک
سینگه بارمی اویت؟
برچه میز چرچه دیک
قیلمه مونچه خیانت
ای انسان

ای انسان
سینگه بارمی ایمان؟
مونچه لر یمنگ اؤز ایتینگیزنی
بوزمنگ آنه یورتینگیزنی
بیرسیس بیلن
سؤزلیدی
ای انسان

ای انسان
قلب لر نی  قیلمه ویران
اسره نگ بو جهان نی
سقلنگ یر و آسمان نی
یؤق ایتمنگ نسل انسان نی
برچه دن سورنگ
کیچیریم!
اگر بؤلسه سیزگه
جیندک گینه
شرم!
ای انسان

ای انسان
قیلدینگیز رنگلرنی سامان
برچه عالم نی سرسان
برچه جان ذات بؤلدی پریشان
جوده گوزه ل ایدی
بو ایسکی جهان
قیلدینگیز ویران
ای انسان

-ای انسان
تاختت اؤروش نی
بو  قان توکیش نی
دنیا بؤزیش نی
بس قیل
ای انسان
بس قیل

ای انسان!
تینچ یشه انسان
تینچ بؤلسون جها ن
یشه سؤن عالم
چقنه سؤن عالم
ایشیت سین انسان
ایشیت ای انسان !

عزیز فاریابلی