چرایلیک باغ

بیرچرایلیک باغ بؤلگن،

ایسکی – ایسکی زمانده،

اؤزاق – اؤزاق تمانده،

بیرچرایلیک باغ بؤلگن

باغ

بیرچرایلیک باغ بؤلگن،

ایسکی – ایسکی زمانده،

اؤزاق – اؤزاق تمانده،

بیرچرایلیک باغ بؤلگن.

باغ نینگ آت – آوازه سی،

یروکؤک اؤزره کیتگن.

آلتین دن ایشیک لری،

اینجودن بیشیک لری،

ایوان لری توب توزوک،

تیگره گی بیزلگن،

کوموش بیلن الماس دن،

کتته اوسته لر قؤرگن

بو بیر عجایب باغنی.

اونینگ-ده،باغبانی

جان و دلیدن سیوگن.

کیچه – کوندوز تیمه ین

بو باغگه قره ب یورگن.

بیرتمانی گل بؤلگن،

بلبل لر سیره ب تورگن،

چنار بیلن ارچه نینگ

باشلری کؤککه تیگگن.

زلال موزدیک سوولری،

هردایم آقیب تورگن.

سیلکیلب میسه لری

شمال بیلن اوینشگن.

هر تورمیوه لی درخت،

تورت فصل میوه بیرگن.

میوه سیدن کیم تاتسه،

اوکیشی گه بخت کیلگن.

اؤتگن – قیتگن یولاوچی،

بوباغگه مهمان بؤلگن.

باشقه یورت لردن کیلگن،

هوس قیلیشیب یورگن.

یریوزیده کتته باغ،

تیللرگه داستان بؤلگن.

قؤیاشلی بؤلگن کؤنی

آی بیلن یولدوز دایم،

قراول بؤلگن تونی،

یم یشیل بؤلگن بوباغ.

باغ یانیده کتته تاغ،

آسمانی بؤلگن تازه.

یشه گن قیلگن مزه!

بو باغ ایچره بیرتونی،

جاهل یولاوچی کیلگن.

باغبان دایم کیل دیب

آچیب قوچاق،

آلگن قوناق بویاتنی،

جاهل ایسه،

باغ نی کورگن کوپ کؤرکم،

باغ گوزه ل،

چقنه گن دور طرفه گل.

گاه اوچر – گاه قونر،

گاه اوینه شر – گاه سیره شر،

غنچه گل لرنی قیتیق لب

هم کولیشر.

باغ ایچره

قناتین قاقیب بلبل.

کؤکسیکه اوریب قولین،

سؤزلـــَیدی کیلگن

جاهل.

ای باغبان

قریگن چاغ!

نی کیره ک دور سینگه باغ؟

ایندی بؤلسین

باغ میندن،

گل میندن،

بو اویناقی قوشچه لر.

هم میندن،

غنچه گل لرگه قره ب،

اؤزکیله جکین اویلب،

تشلر ایکن محکم قدم.

اوکیلگن جاهل آدم.

باغده باغبان

قالدی حیران،

باسقینچی ایکن مهمان

کؤزتؤله دور یاشدن-

رنگی سامان،

حال پریشان.

آنگــّی اوچگن باشدن

دیدی باسقینچی آدم.

بار

چیق

ایندی باغدن

ایتشردی دم به -دم

بو جاهل آدم.

باغباننی ،

و باغنی

ایگه چیقیب آلدی لر.

اؤز دمیگه باغبانی سوردیلر.

سوره مس دن،

راسه – راسه اوردیلر.

اویی -جاین بؤزدیلر.

تیب تیریک باغبانی

باغی ایچره کومدیلر.

بؤلمه گن دیر بیرکیشی

. قیلسه اونگه یاردم

بو جاهللر،

ایگه چیقدی باغگه.

نیچه ایللر دور سوردی،

آینی آلیب ساتتی لر.

یولدوزلرنی آتتی لر.

چنار بیلن ارچه نی،

توبلریدن چاپتی لر.

ایشیکلرنی سیندیریب،

ایوانلر نی اویدیلر.

باغ تیگره گین کورسنگ،

آستین – اوستین قیلدیلر.

میسه لر ایاغ آستی،

شمال لر أیغلب قاچتی.

درختین باشین اورگن،

اوتین قیلیب یاندیرگن.

باغ ویران

گل پریشان

قالمه دی بیر عنچه گل.

اوچتی کیتی بار بلبللر.

شونچه ایشلر،

نیچه ایل،

قیلدی بیر قنچه

جاهل.

قنی باغ،

قنی باغبان؟

توشین

بیلگین

آچ کوزینگ

ای اله مان

اویغان،تورگین ،یورگین

بیلگین اؤزینگ،توشینگین

إیشلرنینگ اداغین.

عزیز فاریابلی