کیتتی کو

یورت و إیلنی فرزند لرین الده گن ،
ملیون یغنب ، قصرلری بیتتی کو ؟

اله مان لر تورینگ سیزلر قوزغالینگ
اؤزلیگیمیز ، شان و شوکت  کیتی کو؟

کیتتی کو

تون و کونلر ، آی و أیللر  اوتتی کو ؟
آی و یولدوز ،بخت قویاشی باتتی کو؟

یامغر یاغیب  بوران بؤلیب برچه پیت ،
تاغ باشیگه  آپاق  قارلر   توشتی کو؟

تینچ قویمه دی  ارباب لر و  ساتقین لر،
مینگ-مینگ أیللیک تاریخمیزساتتی کو؟

،نیچه أیللیک تورموشیمیز ،ای  دوستلر
اوروش  بیلن ،  جنجال  بیلن  اوتتی کو؟

الم  بیلن  قیغو  بیلن   تون  و  کون ،
یاش چاغیمیز  ، إیگیتلیکلر کیتی کو؟

إیلیمیزنی  ،  یورتیمیزنی  باشیگه ،
آنگ-بیلیم سیز بلا بؤلیب  بیتی کو؟

ایرکین بولیب ،ایرکین لیکنی سیوگنلر،
دریا   کبی   آقیب    قانی    کیتی کو ؟

یورت و إیلنی فرزند لرین الده گن ،
ملیون یغنب ، قصرلری بیتتی کو ؟

اله مان لر تورینگ سیزلر قوزغالینگ ،
اؤزلیگیمیز ، شان و شوکت  کیتی کو ؟

عزیزالله فاریابی