GünTürk
ملک بیگؤم
ذکرالله ایشانچ
فیض الله ایماق
حلیم یارقین
شفیقه یارقین
نورالله آلتای
عالم کوهکن
فوزیه ارال
کاظم امینی
ع. م. تاشقین
عزیز فاریابلی
شرعی جوزجانلی
شیخ سعدی شاعر حضرت خسرو دهلوی حقیده گپیریب:
”هر کیمسه او دنیاده بیر نرسه بیلن فخرله نیشی کیره ک.
مین انه شو تؤرک نینگ کؤکسیده گی کویـٍگی بیلن فخرله نه من”.
- دیگن ایکن…
حضرت امیر خسرو دهلوی 1253 إیلده هندوستان شمالیده گی پتیالی شهریده ، شهر سبز(کیش) لیک امیر سیف الدین محمد عایله سیده دنیاگه کیلگن.
اصلی لاچین اوروغیدن بؤلگن بو خاندان مؤغیل لر باسقینی دوریده هندوستانگه کؤچیب ، شو یرده تورغؤن بؤلیب قالگن ایدی .
حضرت امیر خسرو دن بیوک ادبی میراث قالدی :
بیش داستاندن عبارت ”خمسه“ ، ”دوالرانی و خضرخان“ ،نه سپهر“ ، “ تؤغلیقنامه “ اثرلری شولر جمله سیدندیر . اونینگ قلمیگه منسوب مینگلب غزل و رباعی لر شرق ادبیاتینینگ کؤرکی ، چهان ادبیاتی دوردانه لری سیره سیگه کیره دی .
حضرت امیر خسرو دهلوی 1325 إیلده وفات یته دی . آره دن قریب یتتی عصر اؤتدی.
اونینگ اثرلری دنیاگه تره لیب ،همان سیویب اؤقیلماقده ،قبری خلق زیارتگاهیدیر .
حضرت امیر خسرو دهلوی رباعی لریده اونینگ کؤکسیده گی کوییگی – آتشین قلبی عکس یتگن.
—
حرمتلی جمال کمال اؤزبیکستان تنیقلی عالم وبیلیمدانی
حضرت امیر خسرو دهلوی نینگ بیر قطار رباعی لری نی فارس تیلیدن
اؤزبیکچه تیلگه اؤزگیرگن لر منه بیر نیچه رباعی لردن نمونه لر :
ای سرو چمن ، جلوه گری بؤستان بؤل ،
آی بادی صبا ، چمن ده کیز ، سیران بؤل .
ای گل ،صبر ایله کی، نرگیس مست دیر ،
گل پرده سی ایچره بیر نفس پنهان بؤل .
جانانه ، شو لب لرینگ مینگه تسکین دیر ،
بیر بؤسه تیلرمین ،عاشغینگ – مسکین دیر.
دیدینکی ،بو گپنی قؤی ،لبیمده توز کؤپ ،
هی ،شؤر دیمه گیل ، شؤر دیگه نینگ – شیرین دیر.
ای طمع و حرس اگرچی داخل سینگه ،
توپراق یمیش آخری منزل سینگه …
توپراق نی نمونچه لر بیزه ی سین ،ای دوست ؟
توپراق بؤله دیر کونی حاصل سینگه …
سیندین نیچه کیم جبرو جفا کؤرگی مین،
مین برچه سیگه اؤزنی رضا کؤرگی مین .
کؤنگل باریچه مین سینی کؤرسم دیمن ،
نور ایتگنیچه کؤزیمده تا ،کؤرگی مین …
کولسنگ، صنما ،نازلی کؤزینگ ناز ایتگی ،
گل ایککی یوزینگده اؤزنی آغاز ایتگی .
گرغنچه لبینگدین سؤز تیلر ایرسه ،صنم ،
گل -گل آچیلیب ، اؤزینی پرداز ایتگی …
دیدیمکی ، لبینگده کؤپ شکرلر باردیر ،
دیدیمکی ،کؤزینگده کؤپ گوهرلر باردیر .
دیدیمکی ،فقیرمین ،دیدینگکی ،بس قیل ،
یوزینگدین عیان بؤلدیکی ،زرلر باردیر …
********
تیارلاوچی : عزیزالله فاریابی
Filed under: قوشوق،کولتوری و صنعت،تورک بویوکلری،تورکستان
