اؤزببیگیم

اوزبیگیم

تاریخینگ دورمینگ عصرلر ایچره پنهان اوزبیگیم ،

سینگه تینگداش پامیر و اقساچ  تیانشان    اوزبیگیم

سویله سین افراسیاب و سویله سین اورخون خطی ،

کهنه تاریخ  شاده  سیده  بیته  مر جان   اوزبیگیم .

البیرونی ،  الخوارزمی  ، الفاراب   اولا د ید ین ،

اصل نسلی بلکه اوزلوق ، بلکه ترخان اوزبیگیم .

اوتدیلر شورلیک باشینگدن اوینه تیب  شمشیرلرین ،

نیچه خاقان ، نیچه سلطان ، نیچه مینگ خان ، اوزبیگیم

تاغلرینگ تیگره گیدن گویا بوغمه اژدر  بولد یو ،

ایککی دریا – ایککی چشمینگ ، چشم گریان اوزبیگیم .

قیصری روم نیزه سیدن بغریده  داغ اوزره  داغ  ،

چینگیزو باتوتیغی گه کوکسی    قلقان اوزبیگیم .

یاغدی تورت یاندن عصرلر باشینگه  تیری کمان ،

عمری قربان ، ملک تاراج ، یورتی ویران ، اوزبیگیم .

دور ظلمیگه   ولیکن  بیر  عمر باش   ایگمه دینگ ،

سین – مقنع ، سربدار- سین ، ایرک سیور خان اوزبیگیم .

سین نه زردشت ، سین نه بودی ، سینگه نه آتش ، صنم ،

آدمی لیک   دینی   بیرله    تازه    ایمان اوزبیگیم .

معرفتنینگ   شعله سیگه   تالپینیب ظلمت  ارا  ،

کوزلریم دن آقدی  تون لر کوکبستان ، اوزبیگیم .

توزدیو  میرزا اولوغ بیگ کوراگانی  جد و لین ،

سیرلی آسمان تاقیگه ایلک – قویدی نروان  اوزبیگیم .

میر علی شیر نعره سیگه عکس – صدا بیردی جهان ،

شعریت  ملکیده  بولدی   شاه و سلطان  ، اوزبیگیم .

علم و شعر ده شاه  و سلطان  ، لیک تقدیریگه  قل ،

اوز  ایلیده چیکدی  غربت ، زیر  نالا ن اوزبیگیم .

میرزا بابر - سین ، فغانینگ سالدی عالم اوزره اوت ،

شاه مشرف قانی سینده اوردی  طغیان ، اوزبیگیم .

شعریتینگ گلشنیده   سولدی   محزون نادره ،

سیم تنینی یودی کوز یاش ، کومدی  آرمان ، اوزبیگیم .

یغله دی فرقت ده فرقت هم مقیم لیکده مقیم ،

نالیشینگدن هندو افغان قیلدی   افغان اوزبیگیم .

تاریخینگ بیتمککه ،خلقیم ، مینگته  فردوسی کیره ک ،

چونکه بیر بار چیککن آ هینگ ، مینگته داستان اوزبیگیم .

آ رتده قالدی کهنه تاریخ آ رتده قالدی  درد ، ستم ،

کیتدی وه مینگ ، بیتدی زخمینگ ،تاپدی درمان اوزبیگیم .

بولدی آسمانینگ چراغان ، طالع  خورشیدی  بیلن  ،

بولدی عصر تیره  شامینگ شعله  افشان اوزبیگیم .

مین وطن نی باغ دیب ایتسم ،سین سن اونده بیته گل ،

مین وطن نی کوز دیب ایتسم ، بیته  مژگان اوزبیگیم .

فخر ایتر من ، آ نه خلقیم ، کوکره گیم نی تاغ  قیلیب ،

کوکره گیده   تاغ  کوترگن تنتی  دهقان   اوزبیگیم .

اوزبیگیم دیب  کینگ جهانگه  نی اوچون  مدح  ایتمه یین !

اوزلیگیم  بیلماققه  دوریم بیرته  امکان  ، اوزبیگیم .

مین بیوک یورت  اوغلی دور من ، مین بشر فرزند یمن ،

لیکن اول  سینگه بولسم   صادق اوغلان  اوزبیگیم .

مینگه  پوشکین  بیر جهان و مینگه بایرون  بیر جهان ،

لیک نوایی دیک بابا بار  کوکسم  آ سمان  اوزبیگیم .

قیده بارمی ، باشده توپم ، شهرتیم ، قدریم بیو ک ،

عالم  اوزره نامی کیتگن  اوزبیکستان  اوزبیگیم .

بو قصیدم سینگه ، خلقیم ، آ ق سوت و توز حرمتی ،

ایرکین اوغلینگ من ، قبول ایت ، اوزبیگیم جان اوزبیگیم.

ایرکین واحید