GünTürk
ملک بیگؤم
ذکرالله ایشانچ
فیض الله ایماق
حلیم یارقین
شفیقه یارقین
نورالله آلتای
عالم کوهکن
فوزیه ارال
کاظم امینی
ع. م. تاشقین
عزیز فاریابلی
شرعی جوزجانلی
باشیم کوککه ایتر دی،
قؤیاش تینمی نور ساچردی،
تورت تماندن دریا آقیب،
دینگیز قلقیب تورردی
یتیم تاغ
بیرپــیــتلر
باشیم کوککه ایتر دی،
قؤیاش تینمی نور ساچردی،
تورت تماندن دریا آقیب،
دینگیز قلقیب تورردی.
اطرافیمده آباد ایدی تورپه باغ،
آتگه مینیب باتور ایگیت پهلوان،
گومبر-گومبر،تسر-توسر
آت چاپیشیب
اوینه شردیلر اولاغ!
کوزتشله سنگ قی تمانگه
گلب یاتگن قیزغلداغ.
ایندی نیگه
نیمه بولدی؟
یتیم بولیب یتیم قالدیم
یتیم تاغ!
هیچکیم یؤقدور قیلمیدیلر هم ارداغ
یتیم لیگیم سین بیلیب آل.
برچه گه بولسین سباغ!
مین سؤزلیمن یتیم تاغ!
ازلدن قسمت شونداغ
دیب،
اویله سم
یؤق،
قیلمی اؤتمیش گه ارداغ.
اؤزگه -یاوز قولیگه
قالدیک بولدیک انچه زار.
بیر-بیریمیز دن اؤزاغ.
اوتتی کیتدی عصرلر،
ایندی سیزلر
ایتینگلر
نیگه آتم یتیم تاغ؟
چیندن هم مین یتیم می؟
کیم قویبدی آتمنی؟
جواب بیرینگ ای اورتاغ.
آلدینگیز گه کونده لنگ،
بودور کیچیک بیر سوراغ،
. یخشی ایشیت سال قولاغ
ایته ی دردیم بیلیب آل!
ایکن یومشاغ
بای توپراغ،
د ه یمه یردیب قوش تارتیب،
ایکینزار دیب،
قوش ایده ب
قاره یردیب
ایکتیلر…
تیش-تیرکیشین یتیم دیب،
کؤکسگینگه سؤقدیلر.
أیللر اوتتی باشیمدن
منه کور
ایلکم یره.
دم بوغیلگن،
قویگن بوینیمگه اوراغ.
اوپکم تیشیک،
کوکسیم اویق،
بغریم لریم داغ-داغ!
آه لریم النگه سی،
کوککه چیققن
قیغولرکولنه سی
بولگن کتته قاره تاغ!
بیلیب آلگین آتم مینی
یتیم تاغ!
قره ر برچه آلسدن،
اولر میندن دور اؤزاغ.
کوزلریم مینینگ مودراق.
یاوزرحم قیلمسدن،
تامیر لریم تیشدیلر.
آقیزیب مینینگ قانیم،
قشقیر کبی ایچدیلر،
یرگه توکیلگن قانیم!
یاوزلریم بیربولیب،
یاقدی اوییگه چراغ.
یالغیز لیکدن بقردیم،
قیده سن پامیر آغم!
فریا د اوروب چقیردیم،
آق ساچ اکمدور اؤزاغ!
یاردم کوتردیم اوندن،
ایلچیلر نی نیچه بار
تیانشانگه یورباردیم.
یاوزلر کیچه-کوندوز،
توسدی یولین جان اورتاغ!
طاقتلریم تاغ بولدی،
کیملردن کوتدیم یراغ؟
اطرافیمده یوق دور باغ.
اوچسه-قونسه کپه لک،
کونگلیم یریم یغلردیم،
قلبیم یره اؤزیم زار!
شور منگلی دیب اوردیلر،
تاس تیپمگه کوره لرین قوردیلر،
کوزیم ایله قولاغیمگه
قورغاشیمنی قویدیلر
سیسیم باسیب
لبلریمنی تیکدیلر.
. یالغیز قالگن یتیم تاغ
کؤرگولیکلرنی کوردیم،
بیر اوزیم چیده ب بیردیم،
اولگنیم یؤق،
اولمیمن مین،
یتیم من مین یتیم تاغ!
تویغوم مینی
سیزگیم مینی بیرکتته تاغ.
عمر اوزاغ،
یشۀی من مین
بولرچیندور.
ایشانینگ سیز ای اورتاغ!
بیلمه سنگیز بیلیب آلینگ،
مینی آتم یتیم تاغ،
یتیم قالیب یتیم من مین،
آتم مینی یتیم تاغ!
آتم مینی یتیم تاغ!
***
عزیز فاریابلي
Filed under: قوشوق،کولتوری و صنعت،گونئي تورکستان
