منظره

قاب- قاره قرانغو و جیمليک،
آی-قویاش باتگن ساکنلیک.
یولدوزلر اوچگن،
کون- تون اده شگن،
جوده ساووق!
بو اطرافده،

منظره

قاب- قاره قرانغو و جیمليک،
آی-قویاش باتگن ساکنلیک.
یولدوزلر اوچگن،
کون- تون اده شگن،
جوده ساووق!
بو اطرافده،
هوانينگ بویی سینگن.
بوران باسگن،
تومن توشگن،
قورغان همده یورت بوغیلگن.
دله-دشت قوریب قووجیره گن،
يوللر یاپیق،
کؤپریکلر چاپیق!
تاغلر سکوتده.
توشیده آلاو،
کؤکسیده ولقان،
چقوراوخله گن،
دینگیز – دریالر برچه سی موزله گن.

کیره ک دور آلاو،
ولقانلر قوزغالسه،
النگه لیک آلاولر گوولب یانسه،
ولقان قینه سه،
تولقین اوینه سه،
اژدردیک پورکیب،
بورگوتدیک اوچیب،
آلغه ديب  یوريسه،
اویغانر تاغلر!
ایرییر موزلر!
آچیلر یوللر!
گوله ير چوللر.
غواسلر تورر،
کیمه لريورر،
آی-قویاش چیقر،
یاروغليک کیلر،
إلیقلیک بولر.

کیره ک دور آلاو!
کیره ک دور ولقان!
لعنتی ساووق
بوقاره ظلمت
یوق بولیب کیتر
کیره کدور آلاو
کیره کدور وآلقان

عزیزالله فاریابلی