فولکلور خلق قلبیده گی دینگیزدیر

عنوانی آستیده گی تلویزیون کؤرسه توولری
.دستور نامی: فولکلور -خلق قلبیده گی دینگیزدیر
RTA:نشر جایی
افغانستان مللی تلویزیونی، اؤزبیک پروگرامی
نشر تاریخی: ۲۰۰۹- ینچی ییل، ۱۰- ینچی و ۱۷- ینچی نومبر

نشر وقتی: سه شنبه گونلری ،کابل وقتی بیلن ساعت ۳ ده
پروگرام نی داکتر فیض الله ایماق یازدی
نطاق: فروزان خلیلیار

زیگنال
فولکلورـ خلق قلبیده گی دینگیزدیر
زیگنال

السلام علیکم قدردان دؤستلر ومحترم افغانستان مللی تلویزیونی نینگ عزیز تماشابینلری!
سیز عزیزلرگه یره تگندن صحت- سلامتلیک تیله گن حالده، نوبتده گی دستوریمیزنی باشله یمیز.
بو دستورده   سیز اینگ اولا،اؤتگن هفته ده گی تاپیشماق جوابینی ایشیته سیز. شونینگ دیک، جججی کیچکینتای دؤستلریمیزاوچون ینگی تاپتی متل هم تقدیم   بؤله دی. اوندن سؤنگ اؤزبیک خلق آغزه گی ایجادی نمونه لری بیرین- کیتین اعتبارلرینگیزگه حواله بؤله دی .

!عزیز تلویزیون کؤروچیلری
شونی اَیتیب اؤتیش جایزکی،( فولکلور- خلق قلبیده گی دینگیزدیر) دستورینی هردایم کانادا مملکتی تورنتو شهریده استقامت قیلیب کیله یاتگن وطنداشیمیز، کانادا بؤیله ب( افغانستان تورکلری مدنی فدراسیونی ) نینگ مسوول  وکیلی داکتر فیض الله ایماق ، جماعتچیلیک اساسیده یازیب بیزگه جؤنه ته دی. مین فروزان خلیلیار ایسه اونی اؤقیب ایشیتتیره من.

موزیک
!عزیز کیچکینتای باله لر
:اؤتگن هفته ده گی  تاپیشماغیمیز شوندن عبارت ایدی

ایککی کفتر جا به جای – اؤستلریده یریم آی

( جومباق نینگ جوابی ( کؤز بیلن قاشدیر

بو تاپتی متل جوابینی قؤییده گی یاش وجججی دؤستلریمیز بیزگه یازیب یوباریشگن:
.شبرغاندن: محمود جان وبیکتاش جان
عربستان نینگ ابها شهریدن شهریدن: رعناجان و قیس جان
ترکیه نینگ استانبول شهریدن: گؤزه ل جان ومحمد کریم جان
:کابل نینگ بیرینچی مکروریانیدن
.تیمور جان و بیکتاش جان
:حاضر ایسه ینگی تاپتی متلگه قولاق توتینگ

.اٍ یلت ایتدی،اٍیتیب کیتدی

جومباقنی ینه بیر مراتبه تکرارله یمن
.اٍ یلت ایتدی، اٍ یتیب کیتدی
لطفاً بو تاپیشماق جوابینی پوسته، یاکی ایمیل، آرقه لی بیزگه یوبارینگ.یاکی  قؤنغیراق قیلیب، تاپتی متل جوابینی بیزگه اَیتینگ.
موزیک
!عزیز تلویزیون کؤروچیلری
حاضر ایسه وعده میزگه کؤره،( فولکلور-خلق قلبیده گی دینگیز) دستورینی باشله یمیز.
پروگرام نینگ بو قسمتیده لَلَی، لَلَی ، باققی عنوانی آستیده گی باله جانلریمیز تامانیدن اَیتیله دیگن بیر قؤشیققه توجه لرینگیزنی جلب ایته میز.
موزیک
،لَلَی، لَلَی باققی
.دسته گلٍ ساققی
حاجی کیتدی مککه گه
.قولاقلری حلقه گه
،حلقه سی تؤشیب قالدی
.اؤلتیردی ییغله ماققه
،ییغلمه یه، ییغله مه
اٍلیک چاقیب بیره من
آتنگ نینگ کیسه سیدن
.مَییز آلیب بیره من
،قؤربققه نینگ دمُیگه
.پُوپَک تاقیب بیره من
موزیک
!عزیز دؤستلر
یارـ یار،نای -  نای و اؤلنگ قوشیقلری نکاح تؤیی مراسمیده خاتین- قیزلر تامانیدن زور شوق- ذوق بیلن ایتیله دیگن قوشیق حسابله نه دی.حاضر ایسه
:شوندی قوشیقلردن مثاللر کیلتیره میز

،قطار- قطار تیوه دن تؤی آلینگلر،یار- یار
.تاغده یؤرگن سؤرؤیدن قؤی آلینگلر،یار- یار

،آغم بازارگه کیتدی،قاپلر آلیب،یار-یار
.قَپچیغیگه تؤلگونچه پوللر سالیب، یار-یار

،تؤیگه سرشته تؤتیب،آتم کیلر،یار- یار
.آغم کؤنگلی آچیلیب خوش لیک قیلر،یار-یار

،تؤیگه سرشته کیره ک یاردم قیلینگ ،یار-یار
.تؤیگه کیره ک نرسه نی آلیب کیلینگ ،یار-یار

،تؤی نینگ ایشی کؤپ بؤلر،آدم کیره ک ،یار-یار
.خوشلیک قیلیب چاقماققه بادام کیره ک، یار-یار

،اؤزؤن- اؤزؤن ارغمچی کؤککه ییتر، یار- یار
.آغم بیرگن تؤیلری ایلگه ییتر، یار- یار

،چیمیلدیق ارقه سیدن تباق آله ی ، یار-یار
.کیلین- کییاو آغزیدن سباق آله ی، یار- یار

،چیمیلدیغینگ چیپچنار، بؤیینگ چنار، یار-یار
.بؤیینگه کؤز تیگمه سین آلگین طومار، یار-یار

،چیمیلدیق ارقه سیده شیلدیر شوقیم، یار- یار
.آتنگ بیرگن قؤش بازوتگه کیتدی ذوقیم ،یار-یار

موزیک

!عزیزلر
حاضر سیزلرگه محنت،محنت پرورلیک،کَسب-هنر،عقل بیلن ایش یوریتیش،صرفه جویلیک تؤغریسیده گی خلق مقاللری – حکمتلی سؤزلریدن نمونه :لراؤقیب بیره میز. لطفاًتوجه قیلینگ

.بچه گه ایش بؤیؤر،کیتیدن اؤزینگ یؤگؤر
.بیلی آغریمه گن نینگ آلدیده: « بیلیم»،دیمه
.بیرسنگ آله سن ،ایکسنگ اؤره سن
.بیر قرغه بیلن قیش کیلمس،بیر هؤکیز بیل ایش بؤلمس
.بیرنی کیسسنگ،اؤننی ایک
.بیر گون آلدین ساچسنگ،هفته آلدین اؤره سن
.بیر گونگه هؤکیز اؤلمس، ینه گی گون، ایگه سی بیر مس
.بو گؤنگی ایشنی ایرته گه قؤیمه
.گپنی کم سؤزله،ایشنی کؤپ کؤزله
.گپ بیلگؤنچه، ایش بیل
.دهقان بؤلسنگ شدیارقیل، ملا بؤلسنگ تکرار قیل
.دهقانگه: «هارمه» دیسنگ، اولگؤنچه سیندن منتدار
.دهقان نینگ نانی کیسک اؤستیده
.دارباز دارده اؤلر، مارباز مارده
.ییر کَولَه گن خزینه گه یؤلیقه دی
موزیک

!محترم تلویزیون کؤروچیلری
پروگرامیمیزنینگ بو قسمیده سیزلرگه ایرککلرتامانیدن ایتیله دیگن قوشیقلرنی
:تقدیم ایته میز

،خوشدار ایدیم اؤزیگه
.قره- قره کؤزیگه
بیرکؤریب دیدارینی
.حیران بؤلدیم اؤزیگه

، دانه – داننگدن
.کیله من گلخانگدن
بؤساغنگه باش قؤییب
.تیلب آلی آننگدن

،دنبوره چلالمه یمن
.قؤلیمگه آلالمه یمن
زیبا جان نینگ قؤلیدن
.اؤییمگه بارالمه یمن

،دهقان هیده یدی قؤشدی
.هیده گن جایی بؤشدی
دهقانگه «هارمه» دیسنگ
.اؤلگونچه وقتی خوشدی

،دیوال اؤستیگه دیوال
.دیوانه بؤله ی دیمن
قؤلینگده ایپک رومال
.یانینگده اؤله ی دیمن

دمبوره نگنی مین چَلَه ی،
.(هر نَرسه بؤلسه تالی(طالع
جلوه قیلیب کیله سن
.اؤزیم بلانگنی آله ی

،رنگ تشله دیم قَلمگه
.اؤلتیر بیدیم گیلمگه
خُمار- خُمار کؤزلرینگ
.ارزیدی مینگ عالمگه

،میمنه جان یؤل بؤلسین
.تیکانلری مؤل بؤلسین
هرتیکان نینگ باشیده
.زیبا جان بلبل بؤلسین

،سنگلاخده کتته تاش
.کیلیب کیتدی قلم قاش
باریب آنه سیگه آیت
.قیلیب قؤیسین کیسگن آش

موزیک
!عزیزلر
پروگرامیمیز نینگ سؤنگی مطلبی، سوزوان قوشیقلریدیر. سوزوان قوشیقلری خاتین- قیزلر تامانیدن تورلی مراسملرده ایتیله دی. لطفاً توجه قیلینگ

،قرا قؤش کیلدی درختگه قؤنگه نی
.عزراییل کیلدی جانیمنی آلگه نی
عزراییل،آق یؤزینگدن اَیلَنه ی
.بیر فصل قؤی یارو دؤستیم کؤرگَنی

،یار دیدیم یار ادا قیلدی مینی
.عقیق ایدیم کَهربا قیلدی مینی
اَولی عشق بیلن آلدی مینی
.آخری غَمخانه گه سالدی مینی

،یارگینم رومال یوباردی آسمانی
.اؤچیگه تؤگیب یوباردی اؤسمه نی
اؤسمه سی خراب ایکن هیچ تؤتمه دی
.وعده سی یالغان ایکن،بیر اؤتمه دی

،یؤقاری بارسم ، بؤبم نینگ باغی بار
.قییرگه بارسم،شؤ اؤلیم نینگ داغی بار
های ،اؤلیم،قه ییرگه بارسنگ بؤزر سن
.گُلنی قؤییب، غنچه سینی اؤزر سن

،کوچه دن اؤتاتبیدیم ،چارله دی قیز
.چَرخی نینگ طنابیگه باغله دی قیز
شونچه کی جیگیله دیم، قویمه دی قیز
.آخری نالیشیمگه ییغله دی قیز

،کؤککینه کفتر بؤله یلیک بیز ایکاو
.هواگه پرواز قیله یلیک بیز ایکاو
ایککی دریا  بیرقوشیلیب کیلگنده
.دریاگه کؤپریک بؤله یلیک بیزایکاو

،کؤککینه کفتر ایدیم اَوله دیلر
.آته – آنم شهریدن قوله دیلر
آته – آنم شهریده بیر گل ایدیم
.چمنده سَیره ب یاتگن بلبل ایدیم
موزیک

!عزیز دؤستلر و محترم تلویزیون کؤروچیلری
بوگونگی برنامه میز آهسته – سکین اؤز نهایه سیگه ییتیب بارماقده. امید قیله میز بیز نینگ ایمیل آدرسیمیز و تیلیفون رَقَملریمیزنی یازیب آلیب دستوریمیز حقیده گی اؤز فکر- ملاحظه لرینگیزنی بیزگه یوبارینگ
:ایمیل آدرسیمیز: قوییده گیچه
rat.uzbek@yahoo.com

:تیلیفون نمبریمیز شوندن عبارت
:چیت ایللرده گی وطنداشلریمیز اوچون افغانستان کودی
۹۳
:تیلفون نمبریمیز
۷۹۴- ۶۱۵-۰۹۵
! دؤستلر
بو گونگی دستوریمیزنی بیر فولکلوریک قوشیق بیلن توگلله یمیز. ینه گی پروگرامگچه خیر، امان بؤلینگلر
فلکلوریک قوشیق

افغانستان تورکلری فدارسیونی