اوزبیک ادبیاتی تاریخی

حرمت لی تیلداشلر، قدردان اولکه داشلر و عزیز اوقوچیلر!
بو نوبت گه سیز عزیز لرنی (اوزبیک ادبیاتی تاریخی ) کتابی بیلن تانشماق مقصدی گه دعوت قیلیب،  تنگری تعالا دن  ایسته گیم بار کیم اوشبو کتاب نی اوقوب آنه تیل تاریخ و ادبیاتی بیلن کوپراق تانیشیب اوز ادبی و تاریخی معلوماتینگیز ده بیر آز آرتیرسینگیز. همه گه معلوم دیرکیم هر بیرخلق اوز تاریخی، تیل، ادبیات و فرهنگی بیلن تریک دیر. اوزبیک خلقی و اونینگ تیل و ادبیات بایلیگی، قالیبیرسه اونینگ قوشگن حصه سی جهان ادبیات تاریخی گه معلوم دور. حیات تجربه سی ثابت ایتکن کیم آنه یورت و آنه تیل گه ایگه بولمه گن خلق هیچ نیرسه گه ایگه ایمس.

ازبیک تیلی و ادبیاتی شهنشاه سی اولغ نوای حضرت لری دیگن ایکن لر، ( آنه یورتینگ امان بولسه رنگ و روینگ سمان بولمس ) اوشبو الولغ
سوز دن الهام آلیب دییش کیریک: ( آنه تیلینگنی یوقاتسنگ جانینگ گه قان یوگرمس ) شو باعث دن کیلینگلر بو کتاب نی اوقوب انه تیلی میز نی اورگه نیلیک
حرمت بیلن آسیابان
بیلگیلر
کتاب آتی: اوزبیک ادبیاتی تاریخی
یازوچی: نتن ملله یویچ ملله یف
مهتمم: پوهنمل سید نورالله  ( امینیار)
اوشبو کتاب ! عبارت دور اوچ باب، سیکسین اوچ (۸۳) موضوع و (۱۸۸)  بیتدن .
مقدمه
هر بیر ملت اوزی نینگ تیلی، ادبیاتی اجتماعی – اقتصادی تورموشی و اوتمیش تاریخی و فرهنگی بایلیکلری بیلن تیریک دیر. اوزبیک ملتی نینگ اوتمیش تاریخی، ادبیاتی و فرهنگی بایلیکلری جهان ادبیاتی خزینه سی نینگ کوزگه کورینرلی بیر بولیمی نی تشکیل بیره دی .
اوشبو بایلیکلردن بیری اوزبیک خلقی نینگ ادبیات تاریخی و شاعرلری و ادیب لری آرقه لی یره تیلگن نادرو قیتملی اثر لریدیر. بیز اوزبیک ادبیات تاریخی نی اینگ قدیم زمانلردن باشلب مطالعه آستیده آلرایکنمیز، شو باعث دن تحصیلی پروگرام لرگه ماسلب قیسقه شکلده، درسلیک کتابینی توزیشگه باشله دیم .
بو کتاب نی توزیشده اوزبیکستان عالمی بولمیش نتن ملله یویچ – ملله جناب لری ( اوزبیک ادبیات تاریخی ) ناملی کتابلرینی اساس قرار بیریب ،افغانستان شرایطی گه ماس و علمی ضرورت لر گه بنا بیرقنچه اوزگریشلر کیتیریش بیلن ،ایریم اورینلرده کیره کلی ینگیلیکلرکیتیریب، افغانستان عالی تحصیلات موسسه لری اوچون ادبیات تاریخ بویچه درسلیک کتابنی تیارله دیم . ایسته گیم شو دیر که ،اوشبو کتاب علم و ادب چنقاغلری و مشتاقلریگه،اینقسه عزیز اوقوچیلرگه، ترک – اوزبیک خلقی نینگ ادبیات تاریخی نی اورگنیشیده مهم منبع  یا باش بولاق صفتیده  سنه لیب ،کیچیک بیر خدمت نی بجره آلسه . البته اوشبو درسلیک محصللرنینگ کونده لیک ضرورت لری و مینیگ بیر نیچه ییل لیک تجربه لریم ییغندیسی اساسیده تیارلندی. ایتیش کیره ک که افغانساتان اجتماعی – سیاسی و فرهنگی شرایغی تقاضا سیگه ماسلب ،کیره کلی اضافات و توضیحات بیلن ،رسم الخط اوزگرتیریب و قیسقتیریب ،بیر قنچه علمی – ادبی منبع لر و ماخذ لردن فایده له نیب ،یازیلگن ادبیات تاریخی بویچه ایلک کتابدیر . بوعرصه ده بولگن کمچیلیکلر رفع قیلیش اوچون سیز عزیز کتاب خوان لر نینگ توزه توچی فکر و ملاحظه لرینگیزنی کوته من.
و من الله توفیق
پوهنمل سید نورالله (امینیار)
بیرینچی باب :
اوزبیک ادبیات تاریخی
سوز باشی
ادبیات تاریخی ، بدیعی ادبیات نینگ تاریخی ترقیات جریانینی اورگنه دی. هر بیر خلق نینگ اوز تاریخی، مدنییتی ،هنری و ادبیاتی بار. شونگه کوره ادبیات تاریخی معلوم بیر خلق نینگ – شو ادبیاتی یره تگن خلق نینگ نامی بیلن اته له دی .
هر بیر خلق اونینگ کته ، کیچیکلیگیدن قطع نظر ،جهان مدنی خزینه سی گه اوز حصه سینی قوشه دی. شونگه کوره علیحده خلقلرنینگ نامی بیلن اتلگن ادبیاتلر تاریخی عین چاغده عموم جهان ادبیاتی تاریخی نینگ اجرلمس بیر قسمی دیر.
اوزبیک خلقی قدیمی و بای مدنییتگه ایگه بولگن خلقلردن بیری دیر. او جهان علم و فنی، هنر و ادبیاتی ترقیتیگه کته حصه قوشدی، بویوک عالمرنی ،هنرمندلرنی ، یازوچیلرنی یتیشتیردی، باشقه خلق بیلن یقیندن  مدنی و فرهنگی رابطه ده بولدی.
ازبیک خلقی معنوی مدییتی نینگ کته و اجرلمس بیر قسمی اوزبیک ادبیاتی دیر.
اوزبیک ادبیاتی تاریخی اوزبیک خلقی نینگ قدیم زمانلردن  باشلب شو چاغلرگچه یره تیلگن بدیعی ادبیاتی اوز ایچیگه آله دی . لیریک و ایپیک تور ایسکی اوزبیک ادبیاتی نینگ اساسی تور لری دیر. اوزبیک  ادبیاتی بیر قنچه خاطرات و تاریخی کتابلرنی، خلق کتابلری ،فولکلوریک اثر و ترجمه ادبیاتینی هم اوز ایچیگه آله دی .
دوامی بار.

اسدالله آسیابان

افغانستان تورکلری فدارسیونی