توران-تورکستان نینگ هم اؤز چراغی بؤلسین

توران-تورکستان نینگ هم اؤز چراغی بؤلسین

اولکن مدنیت وارثی بؤلگن تورکی قوملر،جمله دن اؤزبیکلرنینگ یوره ک سؤزی یو     درد -حسرتی وتورموش منظره لری،عامه وی اطلاعات  واسطه لریده قنچه لیک عکس ایتتیریلماقده؟ بوخلققه اوغان دولتی«کوچی هلال، اؤزی حرام»- دیگن کؤز بیلن قره مه یپتدیمی؟  مملکت نینگ سیاسی تقدیریده اؤزبیک – تورکمنلرنینگ هم فعال اشتراکی  تامینله نه  یتدیمی  اصلینی آلگنده ؟ تورکی خلقلرنینگ    اؤقیمیشلی اؤغلانلری،اؤزبیک- تورکمنلیگیدن عارقیلیب،قیلردن پناه إیزله ماقده لر؟ اؤزبیک جماعه سیدن قه لقیب ،تؤلقینله نیب،آیاققه تورگن یاشلرنینگ یلیب- یوگوریشلری،جان کویدیریشلری آدملریمیزنینگ کؤزینی آچه یپدیمی؟ کؤنده لنگ قیلیب انه شونده ی سؤراقلر قؤیه ویرسک اداغی کؤرینمه یدی.

 

ظالم،نژادپرست دولت بیلن آره نی آچیقله ب آلیش پیتی یتدی.اهمیت بیرینگ، فغانستانده گی اؤزبیکلرسان جهتیدن«کؤچی- کؤچمنچیلر»گه تینگلشتیریب قؤییلگن.اولرگه حق هم شونگه اؤلچب بیریله یاتدیر. گپ نینگ جانی شونده که دولت بیلن اؤزبیک- تورکمن قوملری اؤرته سیده گی علاقه نی تمثیل قیلوچی تشکیلات بارمی اؤزی؟ مذاکره آلیب باره یاتگن،شو خلقلرنینگ هم دردینی ،معمّالرینی تیپه آلیب چیقه یاتگن نماینده بارمی اؤزی اؤزبیکلرده؟ اگربؤلسه وضعیت بونده ی بؤلمسلیگی کیره ک ایدی.دموکراسی نینگ کینگ سفره سیدن کتته خلق نینگ اولوشی«قوشوم باشی»بؤلیب تورمس ایدی ؟

بواؤرینده دقتینگیزنی افغانستان عامه وی اطلاعات واسطه لری فعالیتیگه قره تماقچیمن. بوگونگی کونده،افغانستان نی اؤز یاینلری آستیگه آلگن بیرنیچته تلویزیون کؤرسه تولری إیش آلیب بارماقده.اولرإیچکری وتشقریده «آریانا»،«آریانا افغان»،«پیام افغان»،«خراسان»نامی آستیده کؤرسه تولرتشکیل قیلگنلر. بوتلویزیونلرنی کیم مالیوی حمایه قیله یاتگنی بیزگه قارانغی؟ نیمه بؤلگنده هم بو تی ویلر مملکت حیاتینی بیریاقلمه وبوزیب یاریتیشگه مایل کؤرینه دیلر. تؤغری- ده، بنیاد یالغان وغرّام قؤییلگن دولت نینگ نشراتی شونده ی بؤلیشی طبعی حال.اولرنظریدن اؤتمیشده ،آریانا،خراسان، افغانستان دیگن ساخته  دولتلربؤلگن میش بویرتده؟ ینه اولرنظریدن   بو وطن نینگ پلته چراغینی امیرکرور،ملالی،زرغونه… کبی یالغان شخصلر،پته خزانه دیک یه سمه کتابلریاندیریب کیتگن میش؟وای داد! اولرنظریدن تورکی خلقلرکیلگیندی. واعجبا!!!

بیرتاماندن،احمشاه ابدالی،میرویس،امیرعبدالرحمان،امان الله،محمّد گل مهمند،ظاهرشاه،عبدالحی حبیبی وباشقه لر بو مملکت نینگ اولوغ ذاتی یو قدریت تمثالی حسابلنسه؟ امّا،باشقه تاماندن مملکت نینگ تؤقسان فایزیدن کؤپراق تاریخی عابده لری تورکی خلقلرگه تیگیشلی بؤلیب تورسه؟ دردینگنی کیمگه ائته سن. بونی انگلیس قوریب کیتگن دولت دیدیلر.انگلیسلر هندوستانده هم اوغانستنده هم اؤزبکلرنی سیاسی توگتدی و اؤلکسه خورلرگه یم قیلیب کیتدی. 

بوسؤزلراؤیله یمن کی،اؤزخواننده لرینی ابیرآز بؤلسین ،اؤیگه تالدیره دی. کؤره یپسیزمی عزیزلر! کیلگوسی اولادلر بؤش قؤل و قؤیین بیلن  منه شونده ی یالغان جمعیتگه قوچاق آچیب کیریب کیله دیلر.همّه نرسه سینی بای بیرگن آته – بابالرنینگ،یعنی،بیزلرنینگ غریب فرزندلریمیز بؤلیب کیله دیلر کیلگوسی  بو اولاد.   گپ افغانستانده گی تورکی خلقلرنینگ حیاتی،مدنیتی،ادبیّاتی ،کوی و قؤشیغینی عامه وی اطلاعات واسطه لریده قنچه لیک افاده لنه یاتگنی خصوصیده بارماقده.

کرزکی اداره سی آستیده گی«مللی تلویزیون»گه قایل قالیش کیره ک. مذکور تی وی ده 24ساعت دوامیده اؤزبیکلرگه بار- یؤغی 20 دقیقه وقت اجره تیلگن.خلق پرور و بغری کینگ دولت منه بونده ی بؤله دی. بو ایسکی الم حقیده گپیرمی قؤیه قالی. شو 20 دقیقه نی بیز اؤزبیکلرهلالـله ب فایده لنه یپمیزمی؟ إیگنه نینگ کؤزیدن    کیله یاتگن بوامکانیتینی دولت کیملرگه تاپشیریب قؤیگن؟ بو دهشتلی مساله ،   اینگ آغریقلی نقطه.

ایندی اؤزیمیزگه کیلیب،بیرسوال بیریب کؤره یلیک.خؤب تقدیرشونده ی ایکن.قؤلدن بیرگنگه قوش تؤیمس ایکن.خؤش،نیمه قیلماق کیرک؟إیشنی یاش اولادنی اؤقیتیش ،ایشیتتیریش وکؤرسه تو  تشکیل قیلیشدن باشلش کیره ک. یزده اؤزبیک تیلیده اوزلوکسیزأیگیرمه تؤرت ساعتلیک تیلی کؤرسه تو نی یؤلگه قؤییشگه نیمه  لریتمه پتدی؟ هه! اؤز آنه تیلیده تؤغری گپیریب،تؤغری یازه یاتگن انسانلر یتمه یپتدی.بوندن  هم مهمی راغی،اقچه- مبلغ یتیشمه یاتیر اؤزبیکلرگه. ببیزنینگ قره شیمیزچه،بو إیککی معمّا نینگ یچیمی بارالبتته.

1. بیرینچیدن یاشلرنی اؤزبیکستانده اؤزبیک تیلی وادبیآتی همده ژورنالیستیکه بؤییچه اؤقیتیش لازم.یاکی،اؤقوتوچی،متخصصلرنی اؤزبیکستاندن ساعت بی یانلب آلیب کیلب باله لرنی اؤقیتیش کیره ک. بویؤلده خلق ارا تشکیلات وفوندلرنینگ مادی همکارلیگینی جلب قیلیش ضرور.

 2.اؤزبیک بایلری،حتــّا،اؤرته حال آدملرحسابیدن جمغرمه توزیش شرط. بیرحساب رقمیگه تؤپلنگن مبلغ دن اؤزبیک تیلیده أیللیک کؤرسه تو ریجه سی  توزیش طلب قیلینه دی. بیرینچی قدمده یو یؤنه لیشده أیککی میلیون داللر سرمایه یاتقزیش   کیره ک. ایندی، یؤقاریده ناملنگن تلویریونلر قطاری «تورکستان»یاکی،«توران»نامی آستیده خلق ارا بیر تلویزیون کؤرسه تولری تشکیل قیلیش وقتی یتدی. اؤزلیگیمیزنی شونده ی قیلیب توتیب توریشیمیزممکن.عملیاتده بوتون دنیا شو تجربه دن استفاده قیلگن. اؤز تاریخی، مدنیت وادبیباتینی اولر انه شو یؤل بیلن سقلب کیلماقده لر. کیینگی  اؤن إیللیکلرده  ترقیِّات جوده کیسکین رواجلنه دی.    ببرتصور قیلیب کؤرینگ- هه! یرکرّسیده هر 12 دقیقه ده بیرتیل اؤلماقده. توگه ب بارماقده.بو تهدید سیز وبیز نینگ هم یشیگیمیزنی کیلیب قاقیشی مقرر. عزیزلر باشقه یؤل یؤق.یا اؤلیش یا یه شش.شولردن  بیرینی تنلش قاله دی.مساله نهایتده جدّی.شاشیلینچ روشده چاره کؤریش لازم.

ذکرالله ایشانچ